Do 19 de maio ao 7 de xuño realizáronse 11 encontros participativos e 2 espazos divulgativos, accións abertas á cidadanía para detectar retos e propoñer actuacións dentro do marco deste programa.
A participación cidadá tivo lugar en 10 centros cívicos de diferentes barrios da cidade e no centro xuvenil O Remanso. Estes centros foron: CC Mesoiro, CC Labañou, CC Os Rosales, CC San Diego, CC Elviña, Centro Ágora, CC Os Mallos, CC Artesanos, CC Castrillón e CC Monte Alto.
Para facilitar a participación cidadá a estos encontros, levaronse a cabo a diferentes horas e días da semana, dando así a oportunidade a que cada persoa puidese participar no espazo que mellor lle conviñese.
Estes encontros seguiron unha mesma estrutura:
- Presentación inicial do proxecto.
- Breve cuestionario inicial ánonimo para recoller datos dos participantes.
- Grupos de debate, onde intercambiaron opinións e propostas de futuro.
- Posta en común cos problemas e solucións detectados.
- Cuestionario final para recoller opinións individuais de forma anónima.
- Mapa dos desexos, onde os participantes plasmaron no mapa a súa cidade do futuro.
En canto aos espazos divulgativos, estes realizáronse na Praza de Lugo e na Coraza do Orzán. O obxectivo foi a información cidadá para a participación nos encontros, e a divulgación de A Coruña 2030.
Estivo tamén a disposición cidadá un cuestionario en liña para axudar a identificar os retos, necesidades da cidade e recoller as propostas compartidas por parte da cidadanía.
Este cuestionario conformouse por un total de 36 preguntas divididas nunha serie de bloques temáticos:
- Medio Ambiente
- Urbanismo
- Cambio Climático
- Recursos e residuos
- Mobilidade
- Convivencia e cohesión social
- Actividades económicas
- Vivenda
- Transición dixital
- Gobernanza e participación
A última parte do cuestionario incluía unha pregunta aberta de reflexión para que os participantes poidesen engadir calquera outra información adicional sobre o futuro da cidade.
A Coruña 2030 